2 Mga Hari 14:12-14

Magandang Balita Biblia

¹² Natalo ng Israel ang Juda at ang mga tauhan nito'y nagkanya-kanyang takas pauwi. ¹³ Binihag ni Haring Jehoas si Amazias at sinalakay ang Jerusalem. Iginuho niya ang pader nito mula sa Pintuang Efraim hanggang sa Pintuang Sulok; ito'y may habang halos 180 metro. ¹⁴ Sinamsam niya ang mga pilak at ginto at ang mga kagamitan sa Templo ni Yahweh at sa kabang-yaman ng palasyo. Nagdala rin siya ng mga bihag nang magbalik siya sa Samaria.